Actividades extraescolares curso 2026-2027

EUREKA! Ciencia Divertida
Descubrir a ciencia dunha maneira lúdica e divertida, a través da experimentación e a observación directa do mundo que nos rodea, fomentando a creatividade e o pensamento crítico.

ABRACADABRA. Combinando la ciencia con la magia, aprenderán a entender el mundo de la magia a través de trucos fascinantes. Resolverán enigmas, crearán ilusiones y aplicarán el método científico de manera emocionante, desarrollando habilidades mentales y físicas.

PATINAXE/PREPATINAXE

Pre-patinaxe 1: Primeiro contacto coa patinaxe mediante xogos que desenvolven o equilibrio, a coordinación e a confianza sobre rodas, en espazos seguros e adaptados.

Pre-patinaxe 2: Continuación da iniciación á patinaxe, cunha maior autonomía e control do movemento. Trabállanse aspectos básicos de deslizamento, xiros e freado dun xeito lúdico.

NOTA: Para patinaxe, en todas as franxas de idade son obligatorios os patíns e as proteccións de seguridade axeitadas (casco, cobadeiras, xeonlleiras, bonequeiras) que NON serán proporcionadas pola Federación/ANPA.

MANS QUE FALAN. Lingua de signos. LSE
Actividade lúdica e innovadora deseñada para desenvolver as competencias e habilidades necesarias para afrontar o desafío de falar coas mans.
A aprendizaxe de LSE levase a cabo a través dos xogos, as cancións e as manualidades. Reforza o desenvolvemento das habilidades sociais e comunicativas dos máis pequenos, aumenta a atención, favorecendo a memoria e a discriminación visual, axuda, promove valores como a empatía, o respecto, a normalización, e mellora a psicomotricidade.

VOLLEYBALL. A práctica deportiva alenta o desenvolvemento completo da rapazada, xa que non só promove a actividade física, senón que tamén ensina valores e habilidades fundamentais. Os obxectivos principais son o disfrute, a participación inclusiva, os hábitos saudables, o
desenvolvemento de habilidades e o uso
positivo do tempo libre. A través dunha metodoloxía activa búscase que todo o alumnado estea cómodo e goce plenamente das actividades,
independentemente do seu nivel.

PROGRAMACIÓN Y ROBÓTICA. Unha actividade dedicada á programación e á robótica educativa cuxo contido atende aos seus tres piares fundamentais. Os alumnos aprenderán programación mediante a creación de videoxogos con Scratch e outras linguaxes por bloques, mecánica utilizando material Lego Technic e electrónica mediante o uso de diferentes compoñentes e placas BBC Micro:bit. Combinaremos estas áreas en proxectos transversais con sets de robótica Lego WeDo e outras ferramentas, sempre baixo un enfoque práctico e unha dinámica de traballo aberta.

XENIOS. Xogos de Lóxica Matemática
A través da variedade de xogos de lóxica matemática como crebacabezas, ilusións ópticas, parellas, enigmas ou xogos de taboleiro, desenvolveranse habilidades cognitivas como a observación, atención, comprensión, memoria, organización, toma de decisións, xestión emocional e velocidade de pensamento.

SCAPE ROOM. Pensamento Lóxico Matemático
Xogo baseado no desenvolvemento das habilidades mentais para a solución de enigmas e problemas. Os nenos e nenas traballando en grupo poñerán en xogo a creatividade e o pensamento crítico para ir superando diferentes probas ou retos e así resolver a proba. O obxectivo é saír dunha
sala (pode ser virtual) dentro do contexto e recreación dunha historia, e para iso os xogadores deberán usar todas as súas capacidades intelectuais, creativas e de razoamento deductivo.

CÓXEGAS. Ofrece unha solución para a conciliación familiar e laboral no propio centro educativo ao longo de tres semanas no mes de setembro. A rapazada gozará de xogos, deportes e actividades lúdicas participando nunha emocionante aventura onde se
promoven hábitos e normas de convivencia e se fomentan o desenvolvemento cognitivo, psicomotor e social.

MANITAS. Os máis pequenos experimentan con materiais diversos, cores e texturas, desenvolvendo a motricidade fina e estimulando a súa imaxinación. Nun ambiente lúdico e libre, cada neno e nena dá forma ás súas ideas dun xeito único e persoal.

INGLÉS. Actividade complementaria que promove a aprendizaxe de inglés nun ambiente lúdico e participativo. O alumnado desenvolve a expresión oral, a escoita e a conversación a través de xogos e dinámicas adaptadas aos seus intereses. Trátase dunha proposta pensada para reforzar as competencias lingüísticas e, ao mesmo tempo, facilitar a conciliación familiar e laboral dentro do ámbito educativo público.

CHORUS. Promover a aprendizaxe do canto coral en nenas e nenos a través dunha experiencia participativa que desenvolva a escoita, a expresión musical e o traballo en equipo, culminando nun gran concerto no Coliseum da Coruña e nun concerto final para familias. O programa está baixo a
coordinación de Fernando Briones, profesor do Conservatorio Superior de Música da Coruña e director titular da Orquestra e coro GAOS.